ඔයාල හැමෝවම පෙම් හසරැල්ලට සාදරයෙන් පිළි ගන්නවා. ආදර අන්දරයක් පාදක කර ගෙන කොටස් වශයෙන් මෙහි පළ වෙන "නිශාන්තයේ හසරැල්ල" කවි සංග්‍රහය මෙන්ම සමාජයීය හා රසවින්දනාත්මකව ලියවුණු සිංහල සහ ඉංග්‍රීසි කවි පද වැල් ද ඔයාලට මෙහිදී කියවන්න ලැබේවි.

කියවන හැමෝටම : කවි කියවලා ඒ ගැන ඔයාලගේ විවෘත අදහස් කියන්නත්, මේ බ්ලොග් එකේ පාඨකයෝ වෙන්නත් අමතක කරන්නෙපා. එයාලට මගේ හද පිරි ස්තූතිය!

January 11, 2010

සිහින කුළුඳුල් හමුව

අප හමු වූ මුල්ම දිනේ
අද වාගේ මතක තියේ
දුටු සැනෙකින් නතර වුනේ
මා හදවත සසල කළේ

සතුටු සිනා දෝරෙ ගියේ
ඔබ දුටු විට මහද ප්‍රියේ
අත් අල්ලන් නිබඳ ලඳේ
අප තෙපලිමු ස්නේහ වදන්

මා අත් ඔබ සිහින් බඳේ
යවා තුරුල් වුනෙමි ප්‍රියේ
හමුවූ හැටි ලවන් අපේ
මට මතකයි අද වාගේ

යන්නට පෙර ඔබ මා
ගේ
මාද ඔබගෙ නළල් තලේ
සිප ගත්තෙමු දෙදෙනාගේ
හද ඉතිරෙන පෙම් බැතියෙන්


"නිශාන්තයේ හසරැල්ල" කවි පන්තියෙහි සඳහන් වන පුද්ගලයන් හා ස්ථාන මනඃකල්පිත බවත් නිර්මිත ආදර අන්දරයක් බවත් සලකන්න.

Make it clear that all the characters and the places mentioned in the poetic love story, "Nishanthaye Hasaralla" are fictitious and a creation.