ඔයාල හැමෝවම පෙම් හසරැල්ලට සාදරයෙන් පිළි ගන්නවා. ආදර අන්දරයක් පාදක කර ගෙන කොටස් වශයෙන් මෙහි පළ වෙන "නිශාන්තයේ හසරැල්ල" කවි සංග්‍රහය මෙන්ම සමාජයීය හා රසවින්දනාත්මකව ලියවුණු සිංහල සහ ඉංග්‍රීසි කවි පද වැල් ද ඔයාලට මෙහිදී කියවන්න ලැබේවි.

කියවන හැමෝටම : කවි කියවලා ඒ ගැන ඔයාලගේ විවෘත අදහස් කියන්නත්, මේ බ්ලොග් එකේ පාඨකයෝ වෙන්නත් අමතක කරන්නෙපා. එයාලට මගේ හද පිරි ස්තූතිය!

March 19, 2010

රුවැති සිතුවම් කින්නරාවී

බලා සිටිය හැක භව සිය ගණනක්ම
ඔබේ රුවේ සිතුවම් දකිමින් නිතොර
පාලුව කාන්සිය දුරු කෙරුමට නිබඳ
සැඟවුනු ශක්තියක් ඇත ඔබෙ කට හඩට

බලා සිටිමි නිරතුරු හඩ අසන්නට
ඔබේ මුවින් තෙපලන අමයුරු වදන
දිනෙන් දිනම ගලනා ආදර සයුර
ආසයි බලන්නට ඔබ හා මා කිමිද

කතා කළද මා ඔබ හට නිරතුරුව
නොසිතමි ඔබේ නිදහස උදුරාලන්ට
තිබුනේ එකම හැඟුමකි මට පෙර සිටම
ආදරෙ ලබන්නයි ගතවෙන සැම මොහොත

මතකද දිනක් ඇසුවා මම ඔබගෙන්ම
තබන්නට කටක් බත් කන සැම විටම
ආදරෙ සනිටුහන් කෙරුමට නිරතුරුව
නොසිතන් කිසි විටෙක බොලඳයි කියා එය

පැමිණෙන විටදි ඔබගෙන් හැම ඇමතුමම
සිපමි දුරකතනෙ ඔබ ළග යැයි සිතින
ඔබටත් දැනෙයි දෝ ඔබ සතු ආදරය
එලෙසින් පුදලන්න මා කෙරෙහිත් සොඳුර

හමුවූ දා පටන් මේ වන තුරු ඔබව
නිති රැක ගතිමි මිණි සඟලක් මෙන් තුටුව
හදවත කැකෑරෙන පෙම් සිත්තම්ද ගෙන
පෙනී සිටිනු මැන මා කින්නරාවිය


2 comments:

Thanuja said...

හ්මි.... හරි වල්

Teshan Nanayakkara said...

වල් වෙන්නෙ කොහොමද? එහෙම වල් කතාවක් මේකෙ කියල නැහැනේ?

Post a Comment

ඔබගේ අදහස් හා ප්‍රතිචාර මා හට ශක්තියක් වේවි ඉදිරියටත් මෙවැනිම කවි, නිසදැස් පෙළකින් ඔබ හමුවට එන්නට...

ඉන්ග්‍රීසි හෝ සින්හල හෝ වේවා ඕනෙම සිතුවිල්ලකට ඔබේ අදහස් වලට ඉඩ.

"නිශාන්තයේ හසරැල්ල" කවි පන්තියෙහි සඳහන් වන පුද්ගලයන් හා ස්ථාන මනඃකල්පිත බවත් නිර්මිත ආදර අන්දරයක් බවත් සලකන්න.

Make it clear that all the characters and the places mentioned in the poetic love story, "Nishanthaye Hasaralla" are fictitious and a creation.