සයුරු මුතු වැල්

දුහුල් සළු පට නීල හැඩ මොන
සයුරු මස්තක සීත වා රළ
හැඟුම් කලතයි මතක සුවඳැල්
දැවටෙමින් මා චිත්ත ලෝ තුල

වැටුනු මුතු කැට ඔබේ සළුවෙන්
මා අසල ඇත පා යුවල ලඟ
සිඹින්නට තැත් කරන අටියෙන්
මා තබන තුරු පිය පෙරටුවට

මතක සුවඳැල් බමයි මා වට
සිසිල විඳිමිණ ඔබේ මුතු කැට
වාලුකා තල තුලින් සැඟවෙන
දෑත ඔබහට දෙන්න ආස
යි

සයුරු යෙහෙලිය මා සමීපෙදි
දෙඩුවෙ රහසින් ඔබේ නමමයි
ලඟයි කාලය නැවත යන්නට
ඈ සමීපෙට ඇගේ පැතුමයි

දෙහෝරාවක් දින දෙකක් විය
නොදැනීම සති අන්තෙ ලං විය
ලංව නොමසිටි කාලෙ දුරු වී
එකතු වන දින නුදුරේම විය 


Comments

Post a Comment

ඔබගේ අදහස් හා ප්‍රතිචාර මා හට ශක්තියක් වේවි ඉදිරියටත් මෙවැනිම කවි, නිසදැස් පෙළකින් ඔබ හමුවට එන්නට...

ඉන්ග්‍රීසි හෝ සින්හල හෝ වේවා ඕනෙම සිතුවිල්ලකට ඔබේ අදහස් වලට ඉඩ.