ඔයාල හැමෝවම පෙම් හසරැල්ලට සාදරයෙන් පිළි ගන්නවා. ආදර අන්දරයක් පාදක කර ගෙන කොටස් වශයෙන් මෙහි පළ වෙන "නිශාන්තයේ හසරැල්ල" කවි සංග්‍රහය මෙන්ම සමාජයීය හා රසවින්දනාත්මකව ලියවුණු සිංහල සහ ඉංග්‍රීසි කවි පද වැල් ද ඔයාලට මෙහිදී කියවන්න ලැබේවි.

කියවන හැමෝටම : කවි කියවලා ඒ ගැන ඔයාලගේ විවෘත අදහස් කියන්නත්, මේ බ්ලොග් එකේ පාඨකයෝ වෙන්නත් අමතක කරන්නෙපා. එයාලට මගේ හද පිරි ස්තූතිය!

March 29, 2010

යලි පියමනිම් ආ මං පෙතේ

හදවත දනී යා යුතු මග කිමැයි කියා
ගැස්ම හදේ යොමයි එමග දෙසට මෙමා
නුරා දෙනෙත් පියා මදෙස බලනු කියා
එවිට පෙනේ ඔබෙ දිවි හිමි මමය කියා

මතකද නුඹට අත් අල්ලන් මැවූ මැවුම්
මහ පාරේ එහෙ මෙහෙ අත ගැසූ රවුම්
මතක සුවඳ වැඩි කරවන සිහින ඉසව්
පසු වන හැම විට සිහිවෙයි නුඹෙ සිතුවම්

මා පැලඳවු රිදී මුදුව අතැඟිලි මැද දිදුලන්නේ
එය දකිනා හැම මොහොතෙම හද ආදරෙ මෝරන්නේ
සඳළුතලෙන් බසිනා කුමරියකගෙ හැඩ දැක ලොබිනේ
ඇවිත් මවෙත ආලිංගන පා නලලත සිප ගන්නේ

ලියූ කවිය මතකද මා අරන් දුන්න මුල්ම පොතේ
වත්සල දිගැසිය නම් ඔබ පෙම් කළ ඒ ප්‍රේම පොතේ
ලියුවෙමි අවසන් පිටුවේ මා දිවි මුල් කවිය එසේ
නුරා කඳුලු සුසුම් හසිරු නම් විය ඒ කවි ගොමුවේ




0 comments:

Post a Comment

ඔබගේ අදහස් හා ප්‍රතිචාර මා හට ශක්තියක් වේවි ඉදිරියටත් මෙවැනිම කවි, නිසදැස් පෙළකින් ඔබ හමුවට එන්නට...

ඉන්ග්‍රීසි හෝ සින්හල හෝ වේවා ඕනෙම සිතුවිල්ලකට ඔබේ අදහස් වලට ඉඩ.

"නිශාන්තයේ හසරැල්ල" කවි පන්තියෙහි සඳහන් වන පුද්ගලයන් හා ස්ථාන මනඃකල්පිත බවත් නිර්මිත ආදර අන්දරයක් බවත් සලකන්න.

Make it clear that all the characters and the places mentioned in the poetic love story, "Nishanthaye Hasaralla" are fictitious and a creation.