ඔයාල හැමෝවම පෙම් හසරැල්ලට සාදරයෙන් පිළි ගන්නවා. ආදර අන්දරයක් පාදක කර ගෙන කොටස් වශයෙන් මෙහි පළ වෙන "නිශාන්තයේ හසරැල්ල" කවි සංග්‍රහය මෙන්ම සමාජයීය හා රසවින්දනාත්මකව ලියවුණු සිංහල සහ ඉංග්‍රීසි කවි පද වැල් ද ඔයාලට මෙහිදී කියවන්න ලැබේවි.

කියවන හැමෝටම : කවි කියවලා ඒ ගැන ඔයාලගේ විවෘත අදහස් කියන්නත්, මේ බ්ලොග් එකේ පාඨකයෝ වෙන්නත් අමතක කරන්නෙපා. එයාලට මගේ හද පිරි ස්තූතිය!

April 15, 2010

වසත් සම කොවුලියේ

මේ මාගේ පලමු ගීතමය නිර්මාණය ලෙසින් පබැඳෙන පැදි පෙළයි.

මින්දද බැලුම් වැටුනා මේ වසත් කාලයේ
සත්සර නදින් වැයුනා පෙම් කවක් අම්බරේ
මෝසම සිහිල් වැසි පොද බිම්තලේ තෙත් කළේ
අවුරුදු සිරින් අපෙ පෙම් කව ලියැවුනා මෙසේ

මා ආදරෙයි මගේ කොවුලියේ සඳේ
මේ ජීවිතේ ඔබයි මා ප්‍රියේ ලඳේ //

ඔබ හඬ මා සවන් පුරා රැව් දුනි ආලෙන්
ගත වූ අවුරුදු සමයේ ඉතිරෙන ප්‍රේමෙන්
දසතේ පැතිරුණු කෝකිළ කූජන නාදෙන්
මට සිහිවෙයි ඔබෙ ආදර කිංකිණි නාදේ

මා ආදරෙයි මගේ කොවුලියේ සඳේ
මේ ජීවිතේ ඔබයි මා ප්‍රියේ ලඳේ //

දෙතැනක මුත් අප දෙදෙනා එක් විමු සැමදා
දුරස් වුනත් අපෙ හඬ අප එක් කලෙ සොඳිනා
හිරු රැස් නව අවුරුද්දක උදාව ගෙනිනා
අප දෙහදත් එක් වුනි මින්දද හී තුඩිනා

මා ආදරෙයි මගේ කොවුලියේ සඳේ
මේ ජීවිතේ ඔබයි මා ප්‍රියේ ලඳේ //

0 comments:

Post a Comment

ඔබගේ අදහස් හා ප්‍රතිචාර මා හට ශක්තියක් වේවි ඉදිරියටත් මෙවැනිම කවි, නිසදැස් පෙළකින් ඔබ හමුවට එන්නට...

ඉන්ග්‍රීසි හෝ සින්හල හෝ වේවා ඕනෙම සිතුවිල්ලකට ඔබේ අදහස් වලට ඉඩ.

"නිශාන්තයේ හසරැල්ල" කවි පන්තියෙහි සඳහන් වන පුද්ගලයන් හා ස්ථාන මනඃකල්පිත බවත් නිර්මිත ආදර අන්දරයක් බවත් සලකන්න.

Make it clear that all the characters and the places mentioned in the poetic love story, "Nishanthaye Hasaralla" are fictitious and a creation.