කෙලෙස සිටිම්දෝ ඔබ නැතුවා

වෙනකෙකු අත ගනු බව දනිමින්
අයි අප එක් වූයේ සොදුරේ
දිනකදි වෙන් වෙන බව දනිමින්
ඇයි අප පෙම් බැන්දේ හර්දේ

නැති නොවුනද ඔබගේ ප්‍රේමේ
ඉවසිය හැකි වේදෝ සොඳුරේ
වෙනකෙකු හා බෙදනා ආලේ
මා කෙලෙසින් බෙදමිද එලෙසේ

ඔබ බෙදලා මට දෙන ආලේ
මා කෙලෙසින් විඳිමිද ආයේ
සතුටක් නම් වේවිද මනසේ
ඔබ ලඟ නැති දිනයක දිවියේ

එදිනය අද නොව අනාගතේ
බැව් වටහා ගෙන ඉඳිමි සඳේ
එතකන් අපි දෙදෙනා පෙරසේ
හිඳිනෙමු අත් වැල් බැඳ ආලේ