ඔයාල හැමෝවම පෙම් හසරැල්ලට සාදරයෙන් පිළි ගන්නවා. ආදර අන්දරයක් පාදක කර ගෙන කොටස් වශයෙන් මෙහි පළ වෙන "නිශාන්තයේ හසරැල්ල" කවි සංග්‍රහය මෙන්ම සමාජයීය හා රසවින්දනාත්මකව ලියවුණු සිංහල සහ ඉංග්‍රීසි කවි පද වැල් ද ඔයාලට මෙහිදී කියවන්න ලැබේවි.

කියවන හැමෝටම : කවි කියවලා ඒ ගැන ඔයාලගේ විවෘත අදහස් කියන්නත්, මේ බ්ලොග් එකේ පාඨකයෝ වෙන්නත් අමතක කරන්නෙපා. එයාලට මගේ හද පිරි ස්තූතිය!

June 14, 2010

නැවත හමු වීමු

පස් මස ගෙවුනි පසුදා අපෙ ආදරයේ
ඇත තව යන්න දුර බෙහෙවින් ජීවිතයේ
ගතවු හැම දිනක් පාසා ආදරයේ
සිහිවී නෙතග කඳුළු පිරේ නිරන්තරේ

හමු වූවා අප අද දින පෙරදා මෙන්
සිටියා ඔබත් සැරසීලා සළු පිළියෙන්
මා ඔබ වෙතට ඇද ගන්නා ඔබේ රුවෙන්
අදත් එලෙසින්ම වූයේ ඔබෙ රුවඟින්

පොත් සල අපේ හමු වීමේ තැන වූයේ
අද පමණක් නොව එය පෙරදීය ප්‍රියේ
මා පැමිණවුත් ඔබ හමුවත අද දිනයේ
ඔබ පැමිණියේ පොත් මිලදී ගනුය ප්‍රියේ

යන්නට තිබූ මුත් දුර බැහැරකට අද
නරඹන්නට චිත්‍රපටය සිතූ ලෙස
කාලෙ හරස් වූයේ අද එයට සඳ
ගියෙ අපි ලඟම සිනමා හල වෙතට යස

ආස නමුත් අත් පටලා නැරඹුමට
නුඹයි නුදුන්නේ එය මට කරන්නට
හිතේ පෙම වැඩියි එනමුත් මගෙ නුඹට
චිත්‍රපටය නරඹා අපි ගියෙ යන්ට

June 6, 2010

පෙම් පස් මසත් ගෙවිනි

පස් මසක් ගත වී ගියේ
නොදැනීම අපෙ ජීවිතේ
කෙටි කලක් වූවත් අනේ
දුරත් බෝ ගියෙ අපි සඳේ

ආදරේ කෙරුවේ අපි
රන්ඩු හෙම කෙරුවේ අපි
ආයෙ යළුවො වුනෙ අපි
වෙන් කරන්නට බෑ අපි

පා නැගුව අපි සොම්නසින්
සවන මාසෙට නිති බැතින්
ඉන්න බලමුකො ආදරෙන්
තරහ නොම වී සන්තොසින්
"නිශාන්තයේ හසරැල්ල" කවි පන්තියෙහි සඳහන් වන පුද්ගලයන් හා ස්ථාන මනඃකල්පිත බවත් නිර්මිත ආදර අන්දරයක් බවත් සලකන්න.

Make it clear that all the characters and the places mentioned in the poetic love story, "Nishanthaye Hasaralla" are fictitious and a creation.