ඔයාල හැමෝවම පෙම් හසරැල්ලට සාදරයෙන් පිළි ගන්නවා. ආදර අන්දරයක් පාදක කර ගෙන කොටස් වශයෙන් මෙහි පළ වෙන "නිශාන්තයේ හසරැල්ල" කවි සංග්‍රහය මෙන්ම සමාජයීය හා රසවින්දනාත්මකව ලියවුණු සිංහල සහ ඉංග්‍රීසි කවි පද වැල් ද ඔයාලට මෙහිදී කියවන්න ලැබේවි.

කියවන හැමෝටම : කවි කියවලා ඒ ගැන ඔයාලගේ විවෘත අදහස් කියන්නත්, මේ බ්ලොග් එකේ පාඨකයෝ වෙන්නත් අමතක කරන්නෙපා. එයාලට මගේ හද පිරි ස්තූතිය!

September 3, 2011

යළි දළුලයි පෙම

හමුවිමු ආයෙම සිව් මසකට පසු
මුල් හමුවුණු දින සැමරුම පෙර දින
මා පැමිණියෙ නුඹ දැකුමට ඉන් පසු
සිව් මාසෙක සෝ ගිනි සඟවා ගෙන

සුපුරුදු නගරෙක යලි හමු විමු අප
සුපුරුදු පොත් සල උඩු මහලේ නුඹ
පොත් පිටු අතරේ ඇවිදින කල නුඹ
දුටුවෙමි නුඹ පිය මනිමින් එන විට

කරනට කියුමට දෙයක් නොවිය මට
නුඹ දකිමින් නිසලව නොම සිටි'යැක
සිප වැලඳුම් ගෙන පිලිගනු සිත් විය
කෙලෙස කරන්නද ඉවසා සිටියෙන

පොත් නොම ගෙන අප එළියට ආ සැන
යා යුතු බව විය දුම්රිය පොළ වෙත
යන්නට ඇය හට ආපසු නිවසට
මා හට විය ඇය ඇරලුම ඒ වෙත

සමු දෙනු කෙලෙසද පැහැදිලි නම් නැත
සිත තුල දුක් මහ මෙරක් ලෙසින් ඇත
කදුළු බිඳු දෙකක් මා ඇසි පිය අග
නැවතින ඇය ලඟ නැති වෙද සිතමිණ

පමා වෙන තුරා දුම්රිය ඇය යන
දෙදෙනම දොඩමළු විය ගිය කල ගැන
දෙදෙනම නැවතත් පෙමින් බැඳෙන බව
ඉවෙන් නමුත් වැටහිණ මට එලෙසින

දුම්රිය ඈතින් එන බව සැල වින
දෑසට නැවතත් කඳුළු පැමිණියෙය
මගෙ පිට අතගා කරුණාවෙන් ඇය
මා සනසන්නට ඇය උත්සුක විය

දුම්රිය ආ කල කාලය ගතවී
දොඩමළු වූ පැය නිමවී තිබුනී
මට සමු දී ඇය එහි නැග ගත්තී
ඇය යන තුරු දෙස බලමින් සිටිමි
"නිශාන්තයේ හසරැල්ල" කවි පන්තියෙහි සඳහන් වන පුද්ගලයන් හා ස්ථාන මනඃකල්පිත බවත් නිර්මිත ආදර අන්දරයක් බවත් සලකන්න.

Make it clear that all the characters and the places mentioned in the poetic love story, "Nishanthaye Hasaralla" are fictitious and a creation.