සිඟන සොබනන්

තරම නොදත් සමහරු ඉදිමෙත් නිතර
සොබන ක්‍රියාවෙන් ඔප් නංවයි සිරුර
නැති දේ ඇති ලෙස පෙන්වා දන අතර
බටහිර බසින් රවටයි ලොව දන නිතර

මුදල් කකා කරතියි ලෝකෙන් යැදුම
කරති කතා තමන්ම ඉපැයූ බවම
එනමුදු සැලකුවේ තවෙකෙකි ඔවුන්ගෙම
නම යනු වෙනකෙකුගෙ ඒ නම් තමන්ම ම

ගොනා බැඳි ගැලේ කැරකෙන සකය මෙනේ
සොබන දනන් පසු පස යයි කාසි වෙතේ
ධනය ඇති දෙනා සොබනන් ඇසුරු කෙරේ
ගැල බැඳි ගොනා මෙන් පිනවයි සොබන ලොලේ

කාසි නැති කලට සොබනුන් සිඟන වෙසේ
බනිති බටහිරෙන් කරවා අමන බසේ
කලද උදව් කෙතරම් ඔවුනට මෙලොවේ
ගුණක් නොමැත මුල අමතක සියල් දෙනේ