ඔයාල හැමෝවම පෙම් හසරැල්ලට සාදරයෙන් පිළි ගන්නවා. ආදර අන්දරයක් පාදක කර ගෙන කොටස් වශයෙන් මෙහි පළ වෙන "නිශාන්තයේ හසරැල්ල" කවි සංග්‍රහය මෙන්ම සමාජයීය හා රසවින්දනාත්මකව ලියවුණු සිංහල සහ ඉංග්‍රීසි කවි පද වැල් ද ඔයාලට මෙහිදී කියවන්න ලැබේවි.

කියවන හැමෝටම : කවි කියවලා ඒ ගැන ඔයාලගේ විවෘත අදහස් කියන්නත්, මේ බ්ලොග් එකේ පාඨකයෝ වෙන්නත් අමතක කරන්නෙපා. එයාලට මගේ හද පිරි ස්තූතිය!

September 23, 2012

තවමත් මා හඬවන ඔබ

හමුවුනෙමු අපි නැවතත්
වසරකට පසු මෙවරත්
සිතන්නට බෑ සිතෙතත්
දෙනෙත් තෙත් විය ආයෙත්

පොත් ප්‍රදර්ශණයේදී
එදා වාගෙම මෙදිනත්
හමුවුනෙමු අපි නැවතත්
ආයෙ අවසන් වරටත්

නොසිතු ලෙසකින් අදටත්
නුඹට සිහි විය මාවත්
සිතුනි යන්නට දකිතත්
බැලීමට නුඹෙ මුහුණත්

ඉගිල ආවෙමි බසයෙන්
හමු වන්න පොත් අතරෙන්
සිටිමු තත්පර ගණනක්
දුටිමි ලස්සන මුහුණක්

වෙනස් වී ඇත බෝ සේ
හැඩ වෙලා නුඹ රිසි සේ
හැඟේ ලැබුමට පෙර සේ
ලඟින් ඉන්නට සිත් සේ

වෙන්ව යන මොහොතේදී
අතින් ඇල්ලිමු පෙරසේ
යන්න සිත නෑ මසිතේ
කුමක් කරමුද සොඳුරේ

නුඹට මා නම් නැතුවත්
සැපෙන් සිටි'හැක තවමත්
නුඹ දුටුව මම තවමත්
කඳුළු සලනව ගෙදරත්
"නිශාන්තයේ හසරැල්ල" කවි පන්තියෙහි සඳහන් වන පුද්ගලයන් හා ස්ථාන මනඃකල්පිත බවත් නිර්මිත ආදර අන්දරයක් බවත් සලකන්න.

Make it clear that all the characters and the places mentioned in the poetic love story, "Nishanthaye Hasaralla" are fictitious and a creation.