අමතක කරම්දෝ මා

අමතක කරම්දෝ මා කෙලෙසින් මෙසේ
නුඹ හා බැඳී බැඳුමන් පෙර නොවන් ලෙසේ
යන්නට වුවත් අතරේ මිතු දමෙන් මෙසේ
මතකෙ රැන්දූ සිතුවම් බොඳ වුනේ කෙසේ

හැරදා ගියත් අද මා ඔබෙ සිතෙන් මෙසේ
පෙරදා නොවූ විලසින් තනි කමක් දැනේ
සිතුවම් කලත් දෙදෙනා එක් රුවක් සිතේ
කිසිදා මැකී යන්නට නොදෙන් අප ලයේ

යන්නට කලින් යන මග මා නැති ලොවේ
පතනෙම් සිතෙන් නුඹ හට සුභ පැතුම් මෙසේ
දිවිය කොයි හෝ ගෙව්වත් මේ මිහිතලේ
සිටින්නට සොවින් තොර වී සතුටු සාගරේ

හිම මත පා යුග

හිම මත පා යුග තබමින් එකිනෙක
මග දෙපසේ තුරු වැල් අතරේ
පාර සදාගෙන අකුරට යන නුඹ
වන පියසක මුව පැටවකු සේ

සිහිල් පවන් රොද කැන් ගත ගැවසෙන
සීත දෙසේ නුඹ මේ කාලේ
පොත් මිටියක් ගෙන අකුරට යන විට
සිතුවිල්ලේ තනිවෙද නිබඳේ

එනු හැකි නම් එතෙරට දිව විගසම
ඇරලන්නට පාසලට හිමේ
තනි වන්නට හැකි වේවිද අප හට
යළි එන නුඹ හා නදී ඉමේ

When everybody sleeps

When everybody sleeps
I woke up and arise
I walk the streets alone
in the darkness like a fly

When I see you up in air
Million miles above the sky
Like I do it every year
I get tears filled in my eyes

'Cause you're far away the breeze
of the golden sand in beach
That we used to walk in ease
Holding hands like lovely freaks

Just the way we used to be
I want you to be with me
Crawling down from sky to me
Looking at stars you used to be

Down in here lay next to me
I wanna kiss your li'l forehead
Let me say good bye this year
To my only caring dear

Here I say you once again
I feel a lot of pain
We used to love in rain
Will you come here again?

සුපිරි පිම්මට උපහාරය

2012 වසරේ ඔක්තෝබර් මස 14 වැනි දා නිව් මෙක්සිකෝවෙන් ඇරඹි දීර්ඝ ගුවන් ගමනකින් පසු අභ්‍යවකාශයේ දොරකඩ හිඳ ශබ්ධයේ වේගය අභිබවමින් පොළොව කරා ලඟා වූ ඔස්ට්‍රියානු ජාතික ෆීලික්ස් බොම්ගාට්නර් සුපිරි වීරයාට උපහාර පිණිස මෙම කවි පෙළ රචනා කරන ලදී.

ඉහළ යන තෙක් පහළ නොපෙනෙන
අඳුරු අහසේ තරු දකින්නට
උදෑසනක ම පිටව ගිය ඔබ
ලොවට ඉහළින් පෙනින එම දින

යනෙන අතරෙදි ලොවේ බෝ දෙන
රොක්වි සල රූ තිර වටා හිඳ
අවසනක් නැති විශ්වෙ දොරකඩ
ඉඳන් කරනා යුධය දැකුමට

කුඩා කුටියක සැඟව ඒ දින
බරට ඇඳුමක් ගතේ ලාගෙන
ඉහළ ගියෙ නිසි අණත් පිළිගෙන
හැටේ විරු කී කරපු පාලන

මයිල සූ විසි ගෙවා ගිය විට
හදේ ගැස්මන් ඉහළ ගිය කල
දෙනෝ දාහක් නෙතු පියන් හැර
බලා සිටියේ විමතියෙන් තද

හද ගැසුම් නවතනා සැරයෙන්
දොඩා වදනක් ලොවට කෙටියෙන්
පියාසැරි යළි එනා අටියෙන්
දිවිය අවදානමක තබමින්

තැබූ කල මිහි තලේ පා නුඹ
ගෙවා බෝ දුර පියාඹා නුබ
සුපිරි මිනිසෙකු වුයෙන් අද ඔබ
ඓතිහාසික වීය මැද සබ 

සැබෑ නොවෙනා සිහිනයක්

සැබෑ නොවෙනා සිහිනයක් දෙස
බලා සිටිනා තුරා මේ ලෙස
සැබෑ නොවුන ද තිළිණයකි මට
දෙනෙත් අභියස ඔබෙ නුවන් යුග

ඇතත් දහසක් යොදුන් අප'තර
සැබෑ වන්නට හදේ සිහිනය
පලක් වේවි ද ලං ව සිටිය ද
සැබෑ නොම වනු දනී නම් එය

බිඳී යනු ඇත හදෙහි සිහිනය

මෙ'දිවියේ යම් තැනක සිට මට

නුඹෙ නුවන් යුග ලබන සිහිනය

මතු භවේ වත් සැබෑ වනු මැන