ඔයාල හැමෝවම පෙම් හසරැල්ලට සාදරයෙන් පිළි ගන්නවා. ආදර අන්දරයක් පාදක කර ගෙන කොටස් වශයෙන් මෙහි පළ වෙන "නිශාන්තයේ හසරැල්ල" කවි සංග්‍රහය මෙන්ම සමාජයීය හා රසවින්දනාත්මකව ලියවුණු සිංහල සහ ඉංග්‍රීසි කවි පද වැල් ද ඔයාලට මෙහිදී කියවන්න ලැබේවි.

කියවන හැමෝටම : කවි කියවලා ඒ ගැන ඔයාලගේ විවෘත අදහස් කියන්නත්, මේ බ්ලොග් එකේ පාඨකයෝ වෙන්නත් අමතක කරන්නෙපා. එයාලට මගේ හද පිරි ස්තූතිය!

October 19, 2012

සුපිරි පිම්මට උපහාරය

2012 වසරේ ඔක්තෝබර් මස 14 වැනි දා නිව් මෙක්සිකෝවෙන් ඇරඹි දීර්ඝ ගුවන් ගමනකින් පසු අභ්‍යවකාශයේ දොරකඩ හිඳ ශබ්ධයේ වේගය අභිබවමින් පොළොව කරා ලඟා වූ ඔස්ට්‍රියානු ජාතික ෆීලික්ස් බොම්ගාට්නර් සුපිරි වීරයාට උපහාර පිණිස මෙම කවි පෙළ රචනා කරන ලදී.

ඉහළ යන තෙක් පහළ නොපෙනෙන
අඳුරු අහසේ තරු දකින්නට
උදෑසනක ම පිටව ගිය ඔබ
ලොවට ඉහළින් පෙනින එම දින

යනෙන අතරෙදි ලොවේ බෝ දෙන
රොක්වි සල රූ තිර වටා හිඳ
අවසනක් නැති විශ්වෙ දොරකඩ
ඉඳන් කරනා යුධය දැකුමට

කුඩා කුටියක සැඟව ඒ දින
බරට ඇඳුමක් ගතේ ලාගෙන
ඉහළ ගියෙ නිසි අණත් පිළිගෙන
හැටේ විරු කී කරපු පාලන

මයිල සූ විසි ගෙවා ගිය විට
හදේ ගැස්මන් ඉහළ ගිය කල
දෙනෝ දාහක් නෙතු පියන් හැර
බලා සිටියේ විමතියෙන් තද

හද ගැසුම් නවතනා සැරයෙන්
දොඩා වදනක් ලොවට කෙටියෙන්
පියාසැරි යළි එනා අටියෙන්
දිවිය අවදානමක තබමින්

තැබූ කල මිහි තලේ පා නුඹ
ගෙවා බෝ දුර පියාඹා නුබ
සුපිරි මිනිසෙකු වුයෙන් අද ඔබ
ඓතිහාසික වීය මැද සබ 




2 comments:

හිරුහිමාවී said...

අපූරු පද ටිකක්.....
ඔබට ජය!

දූපත් වැසියා said...

හතර වෙනි එක පට්ට,, අර නිකන් ම්ම්ම්ම්,, ලොකු පොත්වල තියන එකක් වගේ.

Post a Comment

ඔබගේ අදහස් හා ප්‍රතිචාර මා හට ශක්තියක් වේවි ඉදිරියටත් මෙවැනිම කවි, නිසදැස් පෙළකින් ඔබ හමුවට එන්නට...

ඉන්ග්‍රීසි හෝ සින්හල හෝ වේවා ඕනෙම සිතුවිල්ලකට ඔබේ අදහස් වලට ඉඩ.

"නිශාන්තයේ හසරැල්ල" කවි පන්තියෙහි සඳහන් වන පුද්ගලයන් හා ස්ථාන මනඃකල්පිත බවත් නිර්මිත ආදර අන්දරයක් බවත් සලකන්න.

Make it clear that all the characters and the places mentioned in the poetic love story, "Nishanthaye Hasaralla" are fictitious and a creation.