ඔයාල හැමෝවම පෙම් හසරැල්ලට සාදරයෙන් පිළි ගන්නවා. ආදර අන්දරයක් පාදක කර ගෙන කොටස් වශයෙන් මෙහි පළ වෙන "නිශාන්තයේ හසරැල්ල" කවි සංග්‍රහය මෙන්ම සමාජයීය හා රසවින්දනාත්මකව ලියවුණු සිංහල සහ ඉංග්‍රීසි කවි පද වැල් ද ඔයාලට මෙහිදී කියවන්න ලැබේවි.

කියවන හැමෝටම : කවි කියවලා ඒ ගැන ඔයාලගේ විවෘත අදහස් කියන්නත්, මේ බ්ලොග් එකේ පාඨකයෝ වෙන්නත් අමතක කරන්නෙපා. එයාලට මගේ හද පිරි ස්තූතිය!

March 11, 2015

නුඹ ම පතමි

සිහිනෙන් මා නුඹ දකින තුරා
නෙතගට කඳුලැල් නැගෙන තුරා
සිතනෙමි නුඹ ගැන රැයක් පුරා
යලි'විත් සංසිඳුවතැ'යි නුරා

යදමින් බැඳි මා නුඹේ පෙමින්
දුරකට පියඹා ගියෙ-කෙලෙසින්
කෙදිනක හෝ පැමිනෙ'තැයි සිතින්
කඳුලැල් දාරා සැලෙයි නිතින්

නුඹෙ රුව බස සිහිවෙනා තුරා
නුඹෙ උණුහුම් නොලැබනා තුරා
වෙනකෙකු හට සිත යනෙන තුරා
නුඹ සොයනෙමි මා දසත පුරා

කීව ද සොයනට අන් අයෙකුන්
නුඹ අමතක කර කල් ගෙවුමන්
නැත නුඹ වන් මේ ලොව අනෙකුන්
නුඹ ම පතමි යන තුරු සසරින්

1 comments:

කුරුටු ගෑ ගී පවුර said...

ඔබම පතමි යන තුරු සසරින්..............

ලස්සනයි අවසානය

Post a Comment

ඔබගේ අදහස් හා ප්‍රතිචාර මා හට ශක්තියක් වේවි ඉදිරියටත් මෙවැනිම කවි, නිසදැස් පෙළකින් ඔබ හමුවට එන්නට...

ඉන්ග්‍රීසි හෝ සින්හල හෝ වේවා ඕනෙම සිතුවිල්ලකට ඔබේ අදහස් වලට ඉඩ.

"නිශාන්තයේ හසරැල්ල" කවි පන්තියෙහි සඳහන් වන පුද්ගලයන් හා ස්ථාන මනඃකල්පිත බවත් නිර්මිත ආදර අන්දරයක් බවත් සලකන්න.

Make it clear that all the characters and the places mentioned in the poetic love story, "Nishanthaye Hasaralla" are fictitious and a creation.