ඔයාල හැමෝවම පෙම් හසරැල්ලට සාදරයෙන් පිළි ගන්නවා. ආදර අන්දරයක් පාදක කර ගෙන කොටස් වශයෙන් මෙහි පළ වෙන "නිශාන්තයේ හසරැල්ල" කවි සංග්‍රහය මෙන්ම සමාජයීය හා රසවින්දනාත්මකව ලියවුණු සිංහල සහ ඉංග්‍රීසි කවි පද වැල් ද ඔයාලට මෙහිදී කියවන්න ලැබේවි.

කියවන හැමෝටම : කවි කියවලා ඒ ගැන ඔයාලගේ විවෘත අදහස් කියන්නත්, මේ බ්ලොග් එකේ පාඨකයෝ වෙන්නත් අමතක කරන්නෙපා. එයාලට මගේ හද පිරි ස්තූතිය!

May 25, 2010

එදා මම මයි අදත්

තාමත් මං බත් පිඬුවක් වෙන් කරනව ඔබේ නමින්
සිටියා නම් මගේ ලඟින් කවනව එය මගේ අතින්
ගත වූවත් කාලය බෝ වෙනස් නොවෙමි කිසි ලෙසකින්
එදා මම ම තමයි අදත් පෙම් බැන්දේ ඔබ වෙනුවෙන්

බුදුන්ට පසු මව් පියනුයි මාගෙන් නැමදුම් ලැබුවේ
ඉන් පස්සට ඔබේ නමයි මගේ සිතේ රජ කෙරුවේ
කරනට හැකි වේ නම් ආදර බැතියෙන් ඔබ අසලේ
දිව්‍ය සිරින් වැජඹෙන මාලිග තැනුවත් නොම සැහේ

සිහි මඳ ගතියක් මෙන් ඔබ දකිනු ඇතේ මගෙ ආලේ
එනමුත් මා ඔබට ප්‍රියේ පෙම් කෙරුවේ හදින් සඳේ
උමතු ලෙසින් පෙම් බඳිනට ඔබයි මහට අත දුන්නේ
ඒ හින්දයි ඔබ දැකුමට නිරතුරු අසලට එන්නේ

අත හැරුමට සිත් නොමදේ බැඳගත් අතිනත සොඳුරේ
දෑඟිලි එක් කර බැඳුමට කිසි දින හැකි වේද සඳේ
දිවි ඇති තෙක් ඔබ වෙනුවෙන් එදා ඉඳන් කල ආලේ
නුඹ ලඟ සිටියත්, නොවෙතත් කරනෙමි මම දිවි කාලේ

1 comments:

චන්දිම සෙනරත් said...

හ්ම්ම්ම්ම්... ඇත්තටම ලස්සනයි මේ සොන්ග් එක. දිගටම කරගෙන යන්න.. මගේ සුභ පැතුම්

Post a Comment

ඔබගේ අදහස් හා ප්‍රතිචාර මා හට ශක්තියක් වේවි ඉදිරියටත් මෙවැනිම කවි, නිසදැස් පෙළකින් ඔබ හමුවට එන්නට...

ඉන්ග්‍රීසි හෝ සින්හල හෝ වේවා ඕනෙම සිතුවිල්ලකට ඔබේ අදහස් වලට ඉඩ.

"නිශාන්තයේ හසරැල්ල" කවි පන්තියෙහි සඳහන් වන පුද්ගලයන් හා ස්ථාන මනඃකල්පිත බවත් නිර්මිත ආදර අන්දරයක් බවත් සලකන්න.

Make it clear that all the characters and the places mentioned in the poetic love story, "Nishanthaye Hasaralla" are fictitious and a creation.