ඔයාල හැමෝවම පෙම් හසරැල්ලට සාදරයෙන් පිළි ගන්නවා. ආදර අන්දරයක් පාදක කර ගෙන කොටස් වශයෙන් මෙහි පළ වෙන "නිශාන්තයේ හසරැල්ල" කවි සංග්‍රහය මෙන්ම සමාජයීය හා රසවින්දනාත්මකව ලියවුණු සිංහල සහ ඉංග්‍රීසි කවි පද වැල් ද ඔයාලට මෙහිදී කියවන්න ලැබේවි.

කියවන හැමෝටම : කවි කියවලා ඒ ගැන ඔයාලගේ විවෘත අදහස් කියන්නත්, මේ බ්ලොග් එකේ පාඨකයෝ වෙන්නත් අමතක කරන්නෙපා. එයාලට මගේ හද පිරි ස්තූතිය!

February 28, 2012

නුඹෙ නව තතු නොමැති මෙමා

ඔබ පැමිණැ'ත අද දිනයේ
මුහුණු පොතේ සැරි සැරුමට
නිති එය බලනා මා හට
දැක ගන්නට හැකි විණ අද

නිති නුඹෙ පිටුවට එන මා
සොයනෙමි නුඹගේ රුව මා
ඇතිදෝ යැයි සිතමින් මා
නුඹෙ නව තතු නොමැති මෙමා

මා අද දින බැලූ පිටුම
ඔබත් බලා ඇති ලෙසිනේ
පුදුමයි එය සිදුවූයේ
කෙලෙසද යැයි නොම වැටහේ

මතකයි නුඹ කීවා මට
ගත් බව දුරකතනයකුත්
මාගේ දුරකතනයේම
වර්ගයෙ මුත් වෙනින් එකක්
 

එයින්ද ඔබ මෙහි ආවේ
වෙබ් පිටු වල සැරිසරන්න
මා මදකුදු නොදැක්කේද
වදනක් හෝ පවසන්නට

කවදා හෝ ආයෙත් නුඹ
මා අමතනු ඇසීමමයි
මා අස්වසනට මෙහි ඇති
එකම දෙයත් පිළිසරණත්

කෙලෙසින් ඔබ ගත කරයිද
මා ගැන සිහි නොම කරමින්
කෙලෙසින් මා ගත කරම්ද
ඔබ ගැන සිහි නොම කරමින්

0 comments:

Post a Comment

ඔබගේ අදහස් හා ප්‍රතිචාර මා හට ශක්තියක් වේවි ඉදිරියටත් මෙවැනිම කවි, නිසදැස් පෙළකින් ඔබ හමුවට එන්නට...

ඉන්ග්‍රීසි හෝ සින්හල හෝ වේවා ඕනෙම සිතුවිල්ලකට ඔබේ අදහස් වලට ඉඩ.

"නිශාන්තයේ හසරැල්ල" කවි පන්තියෙහි සඳහන් වන පුද්ගලයන් හා ස්ථාන මනඃකල්පිත බවත් නිර්මිත ආදර අන්දරයක් බවත් සලකන්න.

Make it clear that all the characters and the places mentioned in the poetic love story, "Nishanthaye Hasaralla" are fictitious and a creation.