ඔයාල හැමෝවම පෙම් හසරැල්ලට සාදරයෙන් පිළි ගන්නවා. ආදර අන්දරයක් පාදක කර ගෙන කොටස් වශයෙන් මෙහි පළ වෙන "නිශාන්තයේ හසරැල්ල" කවි සංග්‍රහය මෙන්ම සමාජයීය හා රසවින්දනාත්මකව ලියවුණු සිංහල සහ ඉංග්‍රීසි කවි පද වැල් ද ඔයාලට මෙහිදී කියවන්න ලැබේවි.

කියවන හැමෝටම : කවි කියවලා ඒ ගැන ඔයාලගේ විවෘත අදහස් කියන්නත්, මේ බ්ලොග් එකේ පාඨකයෝ වෙන්නත් අමතක කරන්නෙපා. එයාලට මගේ හද පිරි ස්තූතිය!

April 25, 2012

ඔබ රඟනා රැඟුමන්


ඔබ හැර ගිය දා සිට මා අද තෙක්
කිසිවකු හට නෑ සිත දීලා
ඔබ සිහි වන හැම මොහොතක් පාසා
ඇත මගෙ සිත නිති තනිවීලා

ඔබ රඟනා රැඟුමන් දකිනට මා
නැත කිසිවිට පිරියක් මෙදිනේ
හිත් රිදවන ඔබෙ රැඟුමන් දුටු මා
සැමදා හැඬු කඬුලෙන් ගෙව්වේ

නන්නාඳුනනා සැම අතරේ නුඹ
මිතු දම් බැඳ ගත්තේ කෙලෙසේ
මා රිදවන ඒ දසුන් දකින්නට
මා කල පව කිම වේ නොසිතේ

මගෙන් මතුවටත් වෙනකෙකු ගැන නුඹ
සිත් යවතැයි නොම මා සිතුවේ
එනමුත් නුඹෙ ඔය හැසිරුම් මා දැක
අසරණ වී දුක් බෝ වන්නේ
"නිශාන්තයේ හසරැල්ල" කවි පන්තියෙහි සඳහන් වන පුද්ගලයන් හා ස්ථාන මනඃකල්පිත බවත් නිර්මිත ආදර අන්දරයක් බවත් සලකන්න.

Make it clear that all the characters and the places mentioned in the poetic love story, "Nishanthaye Hasaralla" are fictitious and a creation.