ඔයාල හැමෝවම පෙම් හසරැල්ලට සාදරයෙන් පිළි ගන්නවා. ආදර අන්දරයක් පාදක කර ගෙන කොටස් වශයෙන් මෙහි පළ වෙන "නිශාන්තයේ හසරැල්ල" කවි සංග්‍රහය මෙන්ම සමාජයීය හා රසවින්දනාත්මකව ලියවුණු සිංහල සහ ඉංග්‍රීසි කවි පද වැල් ද ඔයාලට මෙහිදී කියවන්න ලැබේවි.

කියවන හැමෝටම : කවි කියවලා ඒ ගැන ඔයාලගේ විවෘත අදහස් කියන්නත්, මේ බ්ලොග් එකේ පාඨකයෝ වෙන්නත් අමතක කරන්නෙපා. එයාලට මගේ හද පිරි ස්තූතිය!

August 17, 2015

සිතුවමකි ඔබ


අහම්බෙන් නෙත ගැටුනු නුඹ හට
වැටහුනේ නොවෙදෝ යමක්
එකම ගමනක යනෙන දෙදෙනෙකු
බවට හැඟුනේ නැති ද යම්
දුරක් පිය මැන මුහුණ ලා අප
හමු වුණේ නෙතකට නෙතක්
යන්න අවසර ඇති ද පෙරටම
ළංව අතැ'ඟිලි පටලවන්

තෙපුල එවදන් සිතේ රැව් දිනි
ගතවුනත් බෝ වෙලාවක්
නොසිතු විලසින් නිහැඩියාව ම
බිඳුනි දුටු කළ නුඹ වදන්
සිතට හෙමිහිට ටිකෙන් ටික යළි
ලං වෙනා සුන්දර හදක්
මහද අසලදි නැවතිලා මදකට
සලයි සැනසුම් සුසුම්

එකුන් සොළොසක් මාස් දා ගිය
අමිහිරි ම මතකෙන් බිඳක්
මකා දා ඇත තවත් මැකුමට
ඉතිරි වී ඇත මතකයක්
එන්න මා වෙත යන්න පෙරටම
මකාලා කළු පැල්ලනුත්
අඳුරු සිතුවම් මැවූ සිත්තරු
අඳින තෙක් නව සිත්තමක්

2 comments:

කුරුටු ගෑ ගී පවුර said...

ලස්සනයි.......... සුන්දරයි

Teshan Nanayakkara said...

කුරුටු ගෑ ගී පවුර :
බෝම තුති. ආයේ මේ පැත්තේ අවිත් යන්න එන්න.

Post a Comment

ඔබගේ අදහස් හා ප්‍රතිචාර මා හට ශක්තියක් වේවි ඉදිරියටත් මෙවැනිම කවි, නිසදැස් පෙළකින් ඔබ හමුවට එන්නට...

ඉන්ග්‍රීසි හෝ සින්හල හෝ වේවා ඕනෙම සිතුවිල්ලකට ඔබේ අදහස් වලට ඉඩ.

"නිශාන්තයේ හසරැල්ල" කවි පන්තියෙහි සඳහන් වන පුද්ගලයන් හා ස්ථාන මනඃකල්පිත බවත් නිර්මිත ආදර අන්දරයක් බවත් සලකන්න.

Make it clear that all the characters and the places mentioned in the poetic love story, "Nishanthaye Hasaralla" are fictitious and a creation.