කිරි මව් දන් සිරි

නෑදෑ හිත මිතුරු පවුලේ දන් සිරිය
විඳින්න ඇරයුම් ලැබුවේ මා සොඳුර
සොයුරු බැතින් ඔබ පුදදිනි හද පිරුණ
තුති මල් මිටක් ඔවුනට ඇරයුම ගෙනින

දිනක් පුරා ඔබ වෙහෙසිනි උදව් කර
දිව යන මුවැත්තිය මෙන් දස අත එදින
සැරසිලි මල් වැලින් වට වුණු මන්දිරය
ඔබේ අතින් සැරසුණු වග මා දැනිය

එළඹි මොහොත වඩින කළට කිරි අම්මා
පිරිස තුටින් පිළි ගන්නට ඔබ සැවොමා
පෙරමං ගමන් ගොස් නැමදිය ඔබද එදා
වැදිනි කණිසමත් එහි අළුයම දෙකටා

මාද සිටිමි අළුයම හැකි උපරිමම
සැතපෙන්නට ඔබ හා එක මොහොතේම
කිරි මව් දන දෙවා ඔබ ලද පින් කෙතම
ආසිරි දෙවනු අප ආදර සනාතන