වැසි දිය බොඳ හමුව

සිටියෙමි මා හමුවන්නට ඔබ හැකි නම් මේ දිනයේ
ඔබේ කැමැත්තත් ලැබුනේ මට එන්නට ඔබ හමුවේ
පිට වූයෙමි වැඩ පියසෙන් එනුය කියා බස් රථයේ
වැසි බිඳු බිඳු වටෙන සෙයක් අහඹු ලෙසින් මට දනුනේ

කෙමින් කෙමින් ඔබ අසලට ලං වන්නට එන අතරේ
බිඳු බිඳු වැටි වැහි පොද මහ වරුසාවක් බවට වුනේ
වැහි පොද වරුසා හෙන ගෙඩි සමගින් බිම සැපත් වුනේ
යාමට මා හට ඈ වෙත විලසක් නොම උදා වුනේ

කතා කරා ඈ මා හට බසයේ මා සිටින විට
ගෙදර බලා යන ලෙස ඈ කියුවා වැසි වැටෙන විට
යාමට නම් අපහසු බැව් වැටහිණ ඒ වෙලේ මට
මාද දුකින් පිළිගත්තෙමි ඇගෙ ඉල්ලුම යන්න ගෙට