හමුවූවා මේ දිනේ

හමුවූවා මේ දිනේදිත්
බෝ කලකට පසුව සිත් සේ
මා ආවේ නුඹ දැකුමට
ඒ දිනයේ...

ඔබ එන්නට මත්තෙන්
පා නැගුවෙමි පොත් හලටත්
ගත්තේ නුඹ සෙව් පොතක්
ඒ දිනයේ...

නුඹ ආවේ ඒ සීතේ
මා හමුවට සුපුරුදු සේ
හද ආදර වැඩි වූවා
ඒ දිනයේ...

හද තුටින් මා දුන්
පොතත් රැගෙන දෙදෙනා
ගියේ සිනමා හලට
ඒ දිනයේ...

ලංවී දෙදෙනා අඳුරේ
දෑත් පටලා නැරඹූයේ
මිහිරි චිත්තර පටයක්
ඒ දිනයේ...

බෝ කලකින් පස්සේ
රැඳුනේ බෝ වෙලා
එකිනෙකට ලංවෙලා
ඒ දිනයේ...