දුරස් වෙන මිතුර

මාගේ පාසල් කල සිටම මිතුරෙකුව සිටි බ්ලොග් අවකාශයේදීද මිතුරෙකුව සිටින 'චතුරගේ මතක අහුර' ලියනා චතුර වෙනුවෙන් මා විසින් රචිත නිසඳැසකි.

ඇත හිතේ කොනක
මැකී ගිය මතක
රැඳී ඇත තවම
නැත ගියේ අහක

නොදෙමි යනු ඉවත
මිතුරුකම නැවත
ඉඩ ඇතේ තවම
අත් අල්ල ගන්න

වැඩ බහුල කම
වැට බැඳුම නොම
අප මිතුරු කම
දුරස් වන ලෙස

ඇත හිතේ කොනක
විහිළු කල පදම
හිනා වූ තරම
එකිනෙකා වෙතට

සිදුවු දේ කිම
මතකෙ සිඳලන්න
සිටිය බව මම
ඔබෙ මිතුරු ලෙස

පහද දෙනු මැන
මිතුර මට අද
යන්නෙ කිම ඔබ
මිතුදමින් දුරට

දුකයි මට සිතුම
නැති බවක් නුඹව
මගේ මිතු කැළෙහි
පෙර'ද මෙන් මෙදින

අකමැතියි මම
අතහැරුම නුඹ
නුඹ වගේ මම
නොවේ කිසි දින

මිතුරුකම මට
මහමෙරක් විය
එදා මෙන් අද ද
වෙනස් වී නොමැත

කැන්ඩි නුඹ මිතුර
වීය මා සබඳ
එක කුසේ නො'පිද
හොඳ මිතුරො වු'දින