අදත් නුඹ ලෙඩින්

එදා වගෙ අදත් නුඹ ලෙඩ වෙලා
එදාටත් වඩා මං තනි වෙලා
එදා ලඟ හිටිය මං නැති වෙලා
'ලෙඩය' නුඹ අපව යළි එක් කලා

දුරින් හිටියමුත් මං වෙන් වෙලා
හිතෙන් නුඹ ලඟයි ලඟටම වෙලා
ලෙඩ'වු කළ නුඹට මා සිහි වෙලා
මම ද දුක් වීමි නුඹ තනි වෙලා

මගේ ආලෙ නුඹ සිහිකර මෙදා
කතා කළේ දුක් හඬකින් මෙදා
ඇඬුම් ඇසුනු විට ගන්නට බදා
ලඟින් නුඹ නෑනෙ හැඬුවෙමි එදා

ලඟින් ඉඳ හොඳින් සලකනු හිතයි
එන්නෙ කෙලෙසින්ද හිත දැන් අසයි
ලෙඩින් සිටි අයුරු මට සිහි කරයි
ගෙවුනු වසරෙ නුඹ සිටි'යුරු හිතයි

ආදර බස් අද නොකිවද මෙමා
දමා යන්නෙ නැත නුඹ හැර දමා
පිටින් පේන රළු පෙනුමෙන් මෙමා
නුඹට බැඳි පෙමේ නොම වී නිමා