සිඳලූ නුඹ පැතුමන්

මතකද නුඹ මට කීවා දවසක
මතු යම් දිනයක මා දකිනා සඳ
මාගේ දරුවෙකු නුඹ තුරුලට ගෙන
නලවනු රිසි ලෙස හොවා නිතඹ මත

කෙලෙසින් නුඹ පැතුමන් ඉටු කරමිද
ඒ දරුවන් නුඹගේ නොවෙනා කල
නුඹ අමතක කර කෙලෙසින් යන්නද
හිත නොම දේ වෙන ගමනක් යන්නට

මට නොලැබෙන නුඹගේ ඔය සිනහව
සිතින් මවා හඬනා නිති මා නෙත
නුඹව සොයයි කිමිදී මතකය තුල
දිවියේ නැතිමුත් උම්මත්තක ලෙස

හැරදා ගියමුත් ඔබ මා ඒ දින
මා හැර නොගියෙමි ඔබ කිසි ලෙසකින
නුඹෙ ඒ පැතුමන් ඉටු නොම කරමින
මිය යමි මා දීගෙක නොයමින් වෙන