නික්ම යාම

ගතින් නොබිඳුනු සිතේ පබැඳුම
හදේ නොනැසෙන පහන් සිල නුඹ
එළිය කර ලොව තනිව යන මග
ඉකි නොබිඳ පෙර මගට එමි මම

සඟව ගත් ළය රහස කිමවෙද
න'සමි දැවුන ද නොම කියූවද
නොයෙන මං යා යුතු ද නික්මව
මගක් පිය මැන මග ද හෙළි කර

නෙතක් නව හද ගනී පිළිසිඳ
නව දියෙහි බට අසිරියෙන් නුඹ
දකිම් සෙවණැලි සෙවණ වූ මෙන
පෙරට සෙවණක් සදන වග මග

ඇසක් සතු බව පසක් කරනට
අණක් දුන් සැම දොසක් හැරුමට
යසෝනාමය අගය කෙරුමට
යළි නොඑන්නෙ ද ශිල්ප දැකුමට

පිය මනින්නට ඔවා දුන් කල
නුදුටු දොරගුළු හැර බලන්නට
දෑත අබියස තබා යන රුව
කැඳව සිහි කියවනෙමි ලොව නව