තුන්බෑ සමාගම

තනි කුටිය සියල් තතු අත තබා වසන්නෙය
කඩදහියෙ සවන වැකි දෑ අමුණ ලියන්නෙය
විස්මජන ප්‍රතිඵලය රට කළඹ ලබන්නෙය
කුළුඳුලෙ ම තුන් කුළුඳුලේ කුමරු දිනන්නෙය

උඩින් බට පාලමෙන් නැව් නැගින මද්ධුමය
සෙනෙවි අවි අත දරා පෙර මගට පැමිණුනෙය
කෙළි මඬල විසිතුරන් මවන්නට සිත් වීය
සලරූප කෙළි ලොවට පාන තැන හිමිවුනිය

ගුරු භවත් පුද දෙනා ගරු නාම උරුම විය
බහුස්‍රැත ඇදුරු තෙම සරසවියෙ පහල විය
විශ්වයෙ ම තරු අතර සිහින ගී ගැයුවේ ය
ගන්ධර්ව තරු කුමරු මේ බිමේ බිහිවුනෙය

කෙළි බිමෙහි අභියෝග ඉත සිතින් මැඬලීය
බිම් තලෙහි ඒනයින් නැගි දොසත් සැඟවීය
සොයුරු පෙම් භක්තියෙන් එකිනෙකා රැකුනේය
රාජාභිශේකයට ශිල්ප සැම ඉගැනීය

හිරි ඔතප් නිති හදින ඇප කැපව හුරු වීය
සොර බොරුව නොම සිතා සිල්වත්ව දිවි ගෙවිය
ශිල්ප සත නොදක්වම උස් පුටු ම හෙබවීය
සිටු කුමර තුන් බෑයො දැසි දසන් පිනවීය

වසන්නට තෙද බලෙන් සියවසක් එන පෙරට
ධන භෝග හිස් කනින් පිරිවැරිය පිය නමට
නොබිඳින්න ජන පැතුම් මතු කලෙක දී යසට
කර මෙහෙය දැය පුදා යන්ට අවසන් වරට