ඔයාල හැමෝවම පෙම් හසරැල්ලට සාදරයෙන් පිළි ගන්නවා. ආදර අන්දරයක් පාදක කර ගෙන කොටස් වශයෙන් මෙහි පළ වෙන "නිශාන්තයේ හසරැල්ල" කවි සංග්‍රහය මෙන්ම සමාජයීය හා රසවින්දනාත්මකව ලියවුණු සිංහල සහ ඉංග්‍රීසි කවි පද වැල් ද ඔයාලට මෙහිදී කියවන්න ලැබේවි.

කියවන හැමෝටම : කවි කියවලා ඒ ගැන ඔයාලගේ විවෘත අදහස් කියන්නත්, මේ බ්ලොග් එකේ පාඨකයෝ වෙන්නත් අමතක කරන්නෙපා. එයාලට මගේ හද පිරි ස්තූතිය!

July 25, 2019

හතර වරිගය

හතර වරිගයක්...
එතෙර කරනට සසරින්
ඇතුල් නොකරන් පැවිද්දට
හය හතර නොමදත්
අහිංසක කිරි සප්පයින්
ඇති කලෙක දැනුම් තේරුම්
රකින්නට සාසනේ
ඉඩ සදා දෙන් ළමුන්ගේ
සසර පුරුදු ආසාවට
නොඋදුරා ළමා කාලය
ලෝභ වී නිවනට...

February 11, 2019

නිදහස් ද?

උදම් අනනට රටක් ඇත්තෙ ද ණය බරයි රට දස අතේ
සටන් කලවුන් පසෙක ලා රට කරන වුන් ඇත තෙද බලේ
දසක සතකදි අහිමි වූ දෑ අහිමි කල දෑ බෝ වෙතේ
දැවෙන භේදෙන් උමතු ජය ගොස් නගති වහලුන් නුබ වෙතේ

ධජය කුමට ද ඔද වැඩීමට නැති කලට නිදහස රටේ
සිතැඟි අයුරෙන් මඩිහ තර කරගන්න රජයක් නිති ඇතේ
උගත්කම් සැම පසෙකලා නිති රජ කරයි දුදනන් වටේ
සියල් ධන භෝගයන් ගෙන්වති අඩුව කිම සිරිලක් බැතේ

ගෙවී ගිය සත් දසක දෙදහස් වසක පම්පෝරිය ඇතේ
රටක දියුණුව එයම මුමුනා ලැබු රටක් වෙද දස දෙසේ
තැබුවොතින් බිම ජාති ආගම් පුරාජේරුව යම් දිනේ
එතැන් සිට සිට ගැනුම ඔබිනේ වේය රටකට මේ වෙලේ

August 24, 2016

Keep or Kick, It's Your Call

You can keep me close,
As long as you need me.
You can kick me out,
When it's like a torn old cloth.
You can rest on my chest,
Until it stops pounding.
You can ignore me enough,
As far as yourself is concerned.

I would mould you smooth,
If you could flex your beliefs.
I may teach you ways,
Till I see where I want you to be.
I may tolerate you enough,
As long as I miss you.
I won't leave you alone,
Till it's clear you're safe and sound.

August 13, 2016

නුඹේ සිනහව

නුඹේ සිනහව දසන් සැඟවුන
සසල කරවයි උමතු මා සිත
දුටුවනින් දිව වැලඳ ගන්නට
කොපුල් සිඹ දෙතොලත ද සිර කර

ගතේ හැඩ රිසි වුයෙන් පමණට
බඳේ දවටා දෑත මා නුඹ
සමීපෙට ගෙන පිය නගන්නට
හෙටක් සාදමු තුටින් සිටිනට

අහංකාරය හිතේ රන්දා
ප්‍රේම දාහය හොරෙන් පෙන්නා
නුඹේ ආලය මවෙත බන්දා
මියැසි හී සර මටත් විද්දා

අහිංසක ඔය මුවග දකිනට
බොහෝ සිත් ඇත නිතර හමුවට
දිවි තුරා වෙන් නොවී ඉන්නට
ප්‍රියයි සදහට මගේ වෙනවට

April 26, 2016

පතමි නැවතත් ඔබ ම මා

හැර ගියත් ඔබ මා එදා
පෙම් කරම් තවමත් මෙමා
පතමි නැවතත් ඔබ ම මා
හැර නොයන් මතු භවෙක මා

දුටිමි ඔබගේ රුව යලිත්
නැගුනි කඳුලක් නෙත් අගින්
නැතිව පහසක් නුඹෙ නමින්
ගෙවුනි දෙවසක් තනිකමින්

නොවී අන්සතු මෙතෙක් කල්
හමු නූනි ඔබ වන් සඳක්
කරනු බැරි විසි මතකයන්
සුසුම් හෙලනෙමි අද ද මම්

හැකි වෙතොත් මග විවර නම්
එනු මැනේ මෙහි එක් වරක්
දකින්නට ඔය රුව යලිත්
යදම් නැත බැඳ තබනු නම්
"නිශාන්තයේ හසරැල්ල" කවි පන්තියෙහි සඳහන් වන පුද්ගලයන් හා ස්ථාන මනඃකල්පිත බවත් නිර්මිත ආදර අන්දරයක් බවත් සලකන්න.

Make it clear that all the characters and the places mentioned in the poetic love story, "Nishanthaye Hasaralla" are fictitious and a creation.